“Qəbələ” klubu futbolçusu Ruan Renato ilə müqavilə müddətini uzadıb.

Offsideplus.az əyalət təmsilçisinin rəsmi saytına istinadən xəbər verir ki, braziliyalı müdafiəçi ilə 2023-cü ilin yayınadək sözləşmə imzalanıb.

Əvvəlki müqaviləsi cari mövsümünün sonunda başa çatmalı olan 28 yaşlı cənubi amerikalı oyunçu daha bir mövsüm “qırmızı-qara” formanı geyinəcək.

Qeyd edək ki, 2021-ci ilin avqustundan “Qəbələ”nin şərəfini qoruyan Ruan Renato 22 matçda 2 qol vurub.