"Real Madrid"in baş məşqçisi Joze Mourinyo komandanın braziliyalı cinah oyunçusu Vinisius Junior barədə fikirlərini bölüşüb.

Offsideplus.az xəbər verir ki, Mourinyo Vinisiusun son açıqlamalarına münasibət bildirib və onun komanda üçün əhəmiyyətini vurğulayıb. O qeyd edib ki, mövsümün ən çətin və vacib dövrü başlayır və Vinisiusun ən yaxşı formada olması vacibdir: "Qarşıda bizi üç turnir və Superkubok gözləyir. Təqvim sıxdır, biz Vinisiusun ən yaxşı formada olmasını istəyirik. Ondan bunu gözləyirik".

Mourinyo əlavə edib ki, Vinisiusun start heyətində və ya ehtiyatda olması fərq etmir: "Bir neçə həftə əvvəl hamı onu problem kimi görürdü, indi isə hər kəs onun oynayıb-oynamayacağını soruşur. Mənim fikrim dəyişməyib: o, inanılmaz oyunçudur, biz onu dəyərləndiririk və komandaya lazımdır. Amma 'Real Madrid'də heç kimə xüsusi imtiyaz verilmir, heç kimə heyətdə yer zəmanəti yoxdur. Hər kəs komanda üçün çalışır. Güclü heyət olmalıdır ki, zədələrə görə narahatlıq olmasın. Bu gün ehtiyatda olan sabah əsas heyətdə, birigün yenidən ehtiyatda qala bilər. Bizim heyətimizdə 23-dən çox futbolçu var və bu, təbiidir".

Mourinyo bildirib ki, Vinisiusun Dünya Çempionatından sonrakı dövrü, yaydan qışa keçidi artıq arxada qalıb və indi ən vacib mərhələ başlayır: "Çempionlar Liqasında pley-off oyunları, çempionatda hər xal önəmlidir və burada Vinisius bizim üçün həlledici rol oynaya bilər. Bütün komanda onu öz sıralarında görmək istəyir. Bəzən bəzi oyunçular kollektiv tərəfindən tam qəbul olunmur, amma Vinisiusda vəziyyət tam əksinədir".