İspaniya millisinin və "Çelsi"nin müdafiəçisi Mark Kukurelya gələcək karyerası ilə bağlı çox iddialı və maraqlı bəyanatla çıxış edib.
Offsideplus.az xəbər verir ki, təcrübəli futbolçu Dünya Kubokunun qazanılacağı təqdirdə milli komanda ilə vidalaşacağını bildirib.
Kukurelyanın mövzu ilə bağlı rəsmi açıqlaması bu şəkildədir:
"Əgər İspaniya Dünya Kubokunu qazansa, növbəti gün baş məşqçimiz Luis de la Fuente səs-küy salıb zəng edəcəyəm və milli komandadakı karyeramı başa vurduğumu deyəcəyəm. Aktivində həm Avropa çempionluğu, həm də Dünya Kuboku titulu varsa, futboldan daha artıq heç nə tələb edə bilməzsən."
Kataloniyalı müdafiəçi İspaniya millisinin heyətində Avro-2024-ün qalibi olub və hazırda komandanın əsas heyət üzvlərindən biri hesab olunur.
