"Sabah" bu gün UEFA Çempionlar Liqasının 3-cü təsnifat mərhələsində ilk oyununa çıxıb. 

Offsideplus.az xəbər verir ki, "bayquşlar" Danimarkada "Orhus"la qarşılaşıb. 

Görüş Bakı vaxtı ilə saat 20:30-da başlamalı olsa da, qarşılaşma 40 dəqiqə gec - 21:10-da start götürüb.

Buna səbəb Orxus şəhərindən Randers şəhərinə gedən yolda baş verən avtoqəza səbəbindən yaranan tıxaca görə komandaları gətirən avtobusların yubanmasıdır.

Tərəflər arasında cavab qarşılaşması avqustun 11-də oynanılacaq.

Çempionlar Liqası, III təsnifat mərhələsi, ilk oyun

20:30 "Orhus" 2:1 "Sabah" 

"Randers" stadionu