UEFA Çempionlar Liqasının III təsnifat mərhələsi çərçivəsində səfərdə Danimarkanın "Orhus" klubu ilə qarşılaşacaq "Sabah"ın baş məşqçisi Valdas Dambrauskas oyundan əvvəl təşkil olunan mətbuat konfransında görüşlə bağlı açıqlamalar verib.

Offsideplus.az xəbər verir ki, litvalı mütəxəssisi rəqibin gücünə bələd olduqlarını və səfərdən uğurlu nəticə ilə dönmək istədiklərini vurğulayıb:

"Danimarkaya tam hazır gəlmişik. Çempionlar Liqasında bu mərhələyə yüksəlmək hər bir məşqçi üçün qürurvericidir. "Orhus" keyfiyyətli heyətə malik Danimarka çempionudur, zəif və üstün tərəflərini incəliklərinə qədər təhlil etmişik. Meydanda öz oyunumuzu diktə edib qələbə qazanmağa çalışacağıq. İnanıram ki, futbolçularım tapşırıqları dəqiqliklə yerinə yetirəcəklər".

Təcrübəli çalışdırıcı pley-off mərhələsindəki ehtimal olunan rəqiblər barədə danışmağın hələ tez olduğunu bildirib: "Potensial rəqiblərimiz bəllidir, amma diqqətimizi yaymamaq üçün yalnız bu oyuna konsentrasiya olunmuşuq".

Dambrauskas İsveçrənin "Bazel" klubuna keçən Aaron Maludanın transferinə də toxunaraq, gənc oyunçunun "Sabah"da parladığını və transferin hər iki tərəf üçün qazanclı olduğunu qeyd edib. O, yeni transfer Kristian Nvaçukvunun heyətə qatılmasını vurğulayaraq, klubun skaut xidmətinin işini yüksək qiymətləndirib.

Qeyd edək ki, "Orhus" - "Sabah" qarşılaşması avqustun 5-i Bakı vaxtı ilə saat 20:30-da "Ranners" stadionunda start götürəcək. Cütün cavab görüşü isə avqustun 11-də Masazırdakı "Bank Respublika Arena"da tutacaq.