Xames Rodriges müqavilə ilə “Bavariya”ya məxsus olacaq.

Offsideplus.az xəbər verir ki, “Bavariya” icarə əsasında heyətə cəlb etdiyi futbolçunun müqavilə hüququnu “Real”dan alacaq. Münhen nəhəngi kolumbiyalı üçün “kral klubu”na 42 milyon avro ödəyəcək.

Xames artıq bununla bağlı razılığını bildirib.

“Bavariya” Rodrigesi ötən ilin yayında 2 illik icarəyə götürüb və bunun üçün 13 milyon avro ödəyib.

Xames Rodriges cari mövsümdə Bundesliqada keçirdiyi 18 oyunda 5 qol vurub, 9 qol ötürməsi edib.