NBA-də növbəti oyun gecəsi basketbolsevərlərə həyəcanlı və bol xal qeydə alınan qarşılaşmalar təqdim etdi.

Offsideplus.az xəbər verir ki, gecənin ən diqqətçəkən oyunlarından biri Atlanta ilə Philadelphia arasında baş tutdu. Atlanta güclü hücum performansı nümayiş etdirərək 132-119 hesabı ilə qalib gəldi.

Boston da öz meydanında Portland üzərində inamlı qələbə qazandı. Oyunun əvvəlindən üstün olan Boston, rəqibinə 129-116 hesabı ilə qalib gələrək mövsümdəki uğurlu çıxışını davam etdirdi. San Antonio isə Toronto üzərində böyük fərqlə qələbə qazanaraq gecənin ən dominant performanslarından birinə imza atdı. 123-89 hesabı ilə başa çatan qarşılaşmada Toronto müdafiədə ciddi problemlər yaşadı.

Gecənin digər oyunlarında Miami, Charlotte-u 122-105 hesabı ilə məğlub etdi, Denver Houston qarşısında 116-111 hesablı qələbə qazandı. Oklahoma City isə son dəqiqələrdə Los Angeles Clippers-ə qarşı üstünlük əldə edərək 103-101 hesabı ilə qalib gəldi.

Gecənin nəticələri:

Atlanta 132-119 Philadelphia

Boston 129-116 Portland

Miami 122-105 Charlotte

San Antonio 123-89 Toronto

Denver 116-111 Houston

Oklahoma City 103-101 Los Angeles Clippers