"Filadelfiya Siksers" yay transfer dövründə heyətini əsas üçlüyün – Tayriz Maksi, Coel Embiid və Vi Cey Edçkombun ətrafında tamamilə yenidən qurub. 

Offsideplus.az xəbər verir ki, klub yalnız start heyətini gücləndirməklə kifayətlənməyib, LeBron Ceymslə müqavilə imzalayıb və Ceylen Braunun transferini reallaşdırıb. Eyni zamanda ehtiyat oyunçular skamyasını da möhkəmləndirərək Din Ueyd, Kentavius Kolduell-Poup, Anferni Saymons və Ariel Hukporti ilə müqavilə bağlayıb.

Klubun yeni prezidenti Mayk Gensi baş məşqçi Nik Nörsün qarşıdakı mövsümdə müxtəlif oyunçu kombinasiyalarını sınamaq imkanını "şirniyyat mağazasında uşaq kimi hiss etdiyini" bildirib. Gensi əlavə edib: "Komandada ab-hava əladır. Hamı motivasiyalıdır. Bir araya gələndə bu yolçuluğun necə olacağını görmək mənim üçün çox maraqlı olacaq".