Avropa Liqasının əsas mərhələsinin V turunda "Qarabağ" "Lion"la məğlub oldu - 1:4.

Offsideplus.az xəbər verir ki, oyundan sonra meydan sahiblərinin çalışdırıcısı Qurban Qurbanov mətbuat konfransında iştirak etdi. 

Mütəxəssis məğlubiyyət haqda bunları söylədi:

"Azarkeşlərə təşəkkür etmək istəyirəm. Belə havada nəticədən asılı olmayaraq sona kimi bizimlə oldular. Hesab üzücüdür. İkinci hissədə bəzi boşluqlar yarandı. Müdafiədəki boşluqları doldura bilmədik. Oyundan razı qaldım. Futbolçularım öz oyunlarından əl çəkmədilər. Hesab oyuna görə deyildi. Qarşıdakı oyunlara hazırlaşmalıyıq. Növbəti görüşlərdə qələbə qazanmaq üçün əlimizdən gələni edəcəyik".