İtaliyanın “Yuventus” klubu hücumçusu Paulo Dibala ilə danışıqları dondurub.

Offsideplus.az xəbər verir ki, buna səbəb tərəflərin məvacib məsələsində ortaq məxrəcə gələ bilməməsidir.

Turin təmsilçisi koronavirus pandemiyasına görə yaranan maliyyə problemi üzündən Argentina millisinin üzvünə 15 milyon avro maaş və 10 milyon avro bonus ödəmək fikrində deyil. 27 yaşlı ön xətt oyunçusu isə əməkhaqqısında endirimə getməyi düşünmür.

Dibala ilə 2021-ci ildə yenidən danışıq olacaq. Əgər o zaman da razılıq əldə olunmasa, “qoca sinyora” mövsümün sonunda onun satışına çalışacaq.

Qeyd edək ki, Paulo Dibala “Yuventus”a 2015-ci ildə “Palermo”dan keçib. Turin klubu ilə müqaviləsi 2022-ci ilin yayına qədərdir.