Portuqaliya millisinin futbolçusu Kriştianu Ronaldonun mövsümün sonunda İtaliya "Yuventus"undan ayrılacağı ilə bağlı daha bir iddia irəli sürülüb.

Offsideplus.az "Radio Rossonera"ya istinadən xəbər verir ki, 35 yaşlı hücumçu Turin təmsilçisindən ayrılmaq niyyətindədir. O, mövsüm bitəndən sonra rəhbərliklə görüşərək, komandadan ayrılacaq.

Ronaldonun sabiq komandaları İngiltərə "Mançester Yunayted"i və İspaniya "Real Madrid"inə qayıtma ehtimalının yüksək olduğu bildirilir.

Fransanın PSJ klubunun da ulduz futbolçu üçün mübarizə aparacağı deyilir.

Qeyd edək ki, Kriştianu Ronaldo 2018-ci ilin yayında 117 milyon avro qarşılığında "Real Madrid"dən "Yuventus"a transfer olunub. Ulduz futbolçunun müqaviləsi 2022-ci ildə başa çatır.