"Fənərbağça"nın oyunçusu Filip Novak "Malatyaspor"la oyun (0:3) bitəndən sonra gündəmə düşmüşdü.

Offsideplus.az xəbər verir ki, buna səbəb 30 yaşlı müdafiəçinin rəqib oyunçu ilə qucaqlaşaraq gülümsəməsi olub. Sosial şəbəkələrdə birmənalı qarşılanmayan həmin şəkildən sonra Novak sərt tənqid olunub.

Çexiyalı futbolçu bunun ardından sosial şəbəkə hesabında paylaşım edərək üzr istəyib. Çoxdandır görüşmədiyi dostunu gördüyü üçün bir anlıq xoşbəxt olduğunu deyən Filip Novak, "Fənərbağça"nın məğlub olmasına üzüldüyünü bildirərək azarkeşlərdən üzr istəyib.