Cənubi Koreyanın Pxençxan şəhərindəki XXIII Qış Olimpiya Oyunlarında kişilər arasında xizəkçiliyin sərbəst üsulla komanda yarışında qalib müəyyənləşib.

Offsideplus.az “Report”-a istinadən xəbər verir ki, heyətində Martin Yonsrud və Yohannes Hesflot Klebonun yer aldığı Norveç yığması birinci yeri tutub.

Rusiya millisi gümüş, Fransa kollektivi bürünc medal qazanıb.

Qeyd edək ki, bu, Norveçin 12-ci qızılı, ümumilikdə isə, 32-ci medalı olub. Skandinaviyalılar medal sayında liderdirlər. İkinci sırada Almaniya (23 medal), üçüncü yerdə isə Kanada qərarlaşıb (20 medal).