Braziliyalı sabiq futbolçu Villian 2020-ci ildə "Çelsi"dən "Arsenal"a keçidi və baş məşqçi Mikel Arteta ilə bağlı illər sonra səmimi etiraflar edib.

Offsideplus.az xəbər verir ki, Villian bildirib ki, Arteta onu transfer etmək üçün böyük planlar qurmuş və komandanı onun ətrafında quracağını vəd etmişdi: "Mikel mənə dedi: 'Komandanı sənin ətrafında qurmaq və sənə əsas oyunçu rolunu vermək istəyirəm."

• Tez peşmançılıq: 32 yaşında ailəsi ilə Londonda qərarlaşan və 3 mövsümlük sərfəli müqavilə imzalayan təcrübəli oyunçu gözləntilərin əksinə olaraq cəmi üç ay sonra agentinə komandadan ayrılmaq istədiyini deyib.

• Müqavilənin ləğvi: Meydandakı uğursuz çıxışı (2020/21 mövsümündə 37 matçda cəmi 1 qol) və xoşbəxt olmadığını qeyd edən Villian 3 mövsümlük müqaviləsinin qalan hissəsindən qarşılıqlı razılıq əsasında imtina edərək "Korinthians"a qayıtmışdı.