“Səbail”in qış hazırlıq planı bəlli olub.

Offsideplus.az xəbər verir ki, “dənizçilər” mövsümün ikinci yarısının hazırlıqlarına yanvarın 3-də başlayacaq.

Məlumatı klubun rəsmi saytı yayıb. 

Təlim-məşq toplanışı “ASCO Arena”da baş tutacaq. Komanda hazırlıq çərçivəsində “Araz-Naxçıvan”la yoxlama oyunu keçirəcək. Matç yanvarın 11-də baş tutacaq. Görüşün məkanı və saatı ilə bağlı yaxın günlərdə məlumat veriləcək.