"Şamaxı"nın qolkiperi Rikardo Fernandesin Offsideplus.az-a müsahibəsi... 

- Son turda "Qarabağ"a məğlub olduz. Artıq neçə oyundu uğursuzluğunuz davam edir. Səbəb nədir?

- Təbii ki, son oyunlardakı nəticələrimizdən məmnun deyilik. "Qarabağ"la oyunda meydan sahibləri üstün tərəf olsa da, onlardan xal qoparmaq istəyirdik. Sadəcə, 2-ci yarının əvvəlində qapımıza təyin olunan penalti bütün planlarımızı pozdu. "Qarabağ" Avropa səviyyəli komandadır. Onlarla oyunda hesabda geridə olandan sonra dönüş etmək demək olar mümkünsüzdür. Lakin ruhdan düşməməliydik. Kubok matçında böyükhesablı qələbə qazanmaqla növbəti mərhələyə keçdik. Düşünürəm ki, bu qələbə psixoloji olaraq toparlanmağımıza kömək olacaq. 

- "Şamaxı"nın əsas qolkiperisən. Komandanın qapı xətdindəki rəqabət necədir? 

- Kollektivdəki bütün qapıçılar güclüdür və peşəkardırlar. Məşqlərdə maksimum üzərlərində çalışırlar. Məşqçilərimiz də bizim performansımızın artmasında maksimum çalışırlar. Odur ki, qapıda kimin yer alacağını öncədən heç birimiz bilmirik. Bu mövqedə rəqabət yetərincədir. 

- Premyer Liqada böyük iddianız yoxdur. Amma Kuboka yaxşı start verdiz. Burada uğur qazana bilərsiniz? 

- Bütün oyunlara yaxşı hazırlaşırıq. Odur ki, hər iki cəbhədə maksimum irəli getmək niyyətindəyik.