"Neftçi" klubu futbolçusu Elvin Camalov ilə müqaviləyə xitam verib. 

Offsideplus.az xəbər verir ki, yarımmüdafiəçi sosial şəbəkə səhifəsində klub ilə vidalaşıb. 

"Hər başlanğıcın bir sonu, hər yolun bir ayrılığı var… "Neftçi" forması ilə keçirdiyim hər an, qazandığım təcrübələr və yaşadığım xatirələr mənim üçün hər zaman xüsusi olacaq. Bu formanı daşımaq və bu böyük klubun bir parçası olmaq mənim üçün qürur idi. Mənə hər zaman dəstək olan, yaxşı gündə də, çətin gündə də yanımda dayanan bütün Neftçi azarkeşlərinə təşəkkür edirəm. Sizin sevginiz və dəstəyiniz mənim üçün hər zaman dəyərli olacaq. Bəzən yollar ayrılır, amma hörmət və xatirələr qalır. Neftçi həmişə qəlbimdə olacaq.

Hər şey üçün təşəkkürlər, "Neftçi" ailəsi", - deyə futbolçu qeyd edib.