İspaniyanın "Real Madrid" klubunun fransalı yarımmüdafiəçisi Eduardo Kamavinqa haqqında maraqlı və qəribə xəbər yayılıb.
Offsideplus.az xəbər verir ki, futbolçu 25 min avro dəyərində lüks çanta almaqdan imtina etdiyi üçün görüşdüyü model tərəfindən sosial şəbəkələrdə bloklanıb.
Bildirilir ki, Kamavinqa Madriddə yaşayan bir modellə təxminən bir ay müddətində münasibətdə olub.
-
Bahalı ad günü istəyi: Modelin ad günü yaxınlaşdıqda, o, futbolçudan qiyməti 25 min avro olan məşhur dizayner çantası hədiyyə etməsini xahiş edib.
-
Klub hədiyyələri ilə cavab: Eduardo Kamavinqa isə bahalı çanta almaq əvəzinə ona "Real Madrid"in sponsorları tərəfindən təqdim olunan hədiyyə qutusu göndərib. Qutunun içərisində futbolçunun imzalı forması və klubun papağı yer alıb.
-
Sosial şəbəkələrdə blok: Bu jestdən heç də məmnun qalmayan modelin narazılıq əlaməti olaraq Kamavinqanı bütün sosial şəbəkə hesablarında blokladığı qeyd olunur.


