İspaniyanın "Barselona" klubu Almaniyanın "Borussiya Dortmund" komandasının mərkəz müdafiəçisi Niko Şlotterbeklə şəxsi müqavilə şərtləri üzrə şifahi razılıq əldə etməyə yaxındır.
Offsideplus.az xəbər verir ki, 26 yaşlı almaniyalı futbolçu "Barselona"nın idman layihəsini olduqca cəlbedici hesab edir və Almaniya millisindən yaxşı tanıdığı baş məşqçi Hanzi Fliklə yenidən birgə çalışmaq perspektivinə böyük həvəslə yanaşır.
-
Müqavilə və zamanlama: "Borussiya Dortmund"la hazırkı sözləşməsi 2027-ci ilin yayında başa çatacaq Şlotterbekin transferi əvvəlcə gələn yay üçün planlaşdırılsa da, müdafiə xəttini gücləndirmək istəyən Kataloniya təmsilçisi bu keçidi yanvar transfer pəncərəsində reallaşdırmaq ehtimalını da istisna etmir.
-
Hanzi Flikin tələbi: Baş məşqçi Hanzi Flik solaxay mərkəz müdafiəçisinin onun taktiki sisteminə tam uyğun gəldiyinə inanır və rəhbərlikdən bu transferin reallaşdırılmasını xüsusi olaraq istəyib.


