“Luka Modriç və İvan Rakitiç rəqibinizin əsas oyunçularıdır. Baş məşqçimiz onları necə dayandırmaq lazım olduğunu bilir. Bizim də hücumda Kilian Mbappe, Olivye Jiru kimi oyunçularımız var”. 

Offsideplus.az qol.az-a istinadən xəbər verir ki, bu sözləri Fransa millisinin üzvü Antuan Qrizmann ölkəsinin mətbuatına açıqlamasında deyib. O, DÇ-2018-in finalında qarşılaşacaqları Xorvatiya millisindən daha şanslı olduqlarını bildirib: “Biz öz gücümüzə inanırıq. Fransa bizə inanır. Xalqımızın inamını itirmək istəmirik. Əlbəttə, qarşılaşma çətin keçəcək, amma kuboku qazanan tərəf biz olacağıq”.

Qeyd edək ki, final oyunu iyulun 15-də keçiriləcək.