DÇ-2026-nın 1/4 finalında baş tutacaq İngiltərə - Norveç matçı öncəsi britaniyalıların kapitanı Harri Keyn rəqibin ulduz forvardı Erlinq Haaland barədə iddialı açıqlamalar verib.

Offsideplus.az xəbər verir ki, hazırda 7 qolla turnirin bombardirlər yarışında iddialı olan Haalandı "maşın" və "yırtıcı" adlandıran Keyn, buna baxmayaraq tamamilə fərqli üslubda oynadıqlarını bildirib:

"O, inanılmazdır, fiziki cəhətdən bir maşındır, qol vurmaq instinkti ən yüksək səviyyədədir. Amma biz fərqli oyunçularıq. Mən topla daha çox oynamağı, oyunun qurulmasında iştirak etməyi sevirəm. Onunla özümü müqayisə etmirəm, ona böyük hörmətim var. Ümid edirəm ki, sabah onun üçün sakit bir gün olar".

Qeyd edək ki, turnirdə norveçli hücumçudan cəmi 1 qol geri qalan Keyn dünya çempionatlarında vurduğu ümumi qol sayını 14-ə çatdırıb. Hər iki forvard hazırda 8 qolla bombardirlik siyahısına başçılıq edən Lionel Messi və Kilian Mbappeni təqib edir.