UEFA Çempionlar Liqasının əsas mərhələsinə vəsiqə qazanan "Sabah"ın uğuru xarici medianın da diqqətindədir.

Offsideplus.az xəbər verir ki, "Hapoel Beer-Şeva"ya 5:2 (ümumi - 6:4) hesabı ilə qalib gəldiyi oyundan sonra "bayquşlar" ilə bağlı diqqət çəkən başlıqları təqdim edirik:

• Futbol Arena (Türkiyə): "TARİXİ NAİLİYYƏT! "SABAH" ÇEMPİONLAR LİQASINDA! "SABAH"I ALQIŞLAYIRIQ!
  
  
• Матч ТВ (Rusiya): "Tarixində ilk dəfə Çempionlar Liqasına vəsiqə qazandı. Əsəbi anlar yaşamaq məcburiyyətində qaldıq. Amma əsas odur ki, əlavə vaxtda qırmızı vərəqə alan rəqibi cəzalandırdılar. Klub cəmi 9 il əvvəl yaradılıb. İnanılmazdır".

"Goal": "Cəmi doqquz il əvvəl qurulan bir klub üçün bu, inanılmaz yüksəlişdir və onlar artıq Avropa futbolunun ən nüfuzlu səhnəsində ilk dəfə mübarizə aparmağa hazırdırlar".

ESPN: “Sabah” əlavə vaxta Tellur Mütəllimovun son dəqiqələrdə vurduğu möhtəşəm vole qolu sayəsində nail oldu".

"Football 360": "Cəmi 9 il əvvəl yaradılmış komanda “Kim milyonçu olmaq istəyir?” verilişində iştirak etmiş baş məşqçinin rəhbərliyi ilə Çempionlar Liqasına vəsiqə qazandı".

"La Gazzetta dello Sport": "Bu gecənin hekayəsi bizi birbaşa Azərbaycana aparır – burada “Sabah”ın nağılı gerçək oldu".

"Sport Bible": "Cəmi 9 il əvvəl mövcud olmayan klub tarixi uğura imza ataraq Çempionlar Liqasına vəsiqə qazandı".

"Football Meets Data": "Cəmi 9 il əvvəl yaradılan “Sabah UEFA Çempionlar Liqasının liqa mərhələsinə vəsiqə qazanıb!

Azərbaycan ardıcıl iki mövsümdə Çempionlar Liqasının liqa mərhələsində iki fərqli klubla təmsil olunacaq!"

• UEFA.com: "Sabah" "Hapoel" (Beer-Şeva) qarşısında dramatik geri dönüşü tamamlayır"

• OneFootball: "Sabah" avrokuboklarda tarix yazır"

• Flashscore: "Sabah" əlavə vaxt trillerində "Hapoel"i şoka saldı"

• Eurosport: "Sabah" "Hapoel" ilə bol qollu trillerdən sonra mərhələ adladı"