Türkiyəli mərkəz oyunçusu Adem Bona üçüncü NBA mövsümünün astanasında zədələnib. "Filadelfiya Seventi Siksers" klubu onun sol ayağında burxulma aşkarlandığını açıqlayıb. Zədə sonuncu MRT müayinəsi ilə təsdiqlənib və hadisə barədə rəsmi məlumat verilib.

Offsideplus.az xəbər verir ki, 23 yaşlı basketbolçu bu zədəni Türkiyə millisinin heyətində FIBA Dünya Kuboku 2027-nin seçmə oyunlarında alıb. Yay fasiləsində keçirilən dörd beynəlxalq qarşılaşmada Bona 8,8 xal və 7,3 ribaundla yadda qalıb, Ergin Atamanın rəhbərlik etdiyi komandaya dörd qələbə qazandırıb. Klubun məlumatına görə, Nigeriya əsilli oyunçu təlim-məşq toplanışı başlayanda yenidən müayinə olunacaq və hazırda 2026–27 mövsümünün oktyabrında start götürəcək NBA-nin açılış oyunundan əvvəl tam sağalacağı gözlənilir.

Bona bərpa olunduqdan sonra "Filadelfiya Seventi Siksers"də üçüncü mövsümünə başlayacaq və yeni formalaşan ön xəttdə öz yerini qorumağa çalışacaq. O, ötən mövsüm 81 oyunda orta hesabla 4,6 xal, 4,0 ribaund və 1,1 blokşutla çıxış edib. Müdafiədə fəallığı ilə seçilən Bona, əsas mərkəz Joel Embiidin arxasında oynamaq uğrunda yeni transfer, almaniyalı Ariel Hukporti ilə rəqabət aparacaq. Klubun son qərarı ilə müqaviləsi zəmanət altına alınan Bona, pley-off iddialı komandanın ehtiyat heyətində önəmli fiqur olaraq qalır.