Qrossmeysterimiz Teymur Rəcəbov qadınlardan ibarət şahmat yığmamızın üzvü Günay Məmmədzadəyə dəstək nümayiş etdirib.

Offsideplus.az xəbər verir ki, Ümumdünya Şahmat Olimpiadasında Polşa millisi ilə qarşılaşan yığmamız armagedonda rəqibə məğlub olub.

Təkbətək görüşdə sona iki saniyə qalmış uduzan Günay Məmmədzadə yığmamızın məğlubiyyətinə səbəb olub.

Teymur Rəcəbov "instagram" hesabının hekayə bölməsində bu sözləri yazıb:

"Qəhrəman həmişə qəhrəmandır. Sadəcə bu gün şans sənin tərəfində olmadı. Sən Azərbaycan üçün döyüşdün. Biz yenidən uğur qazanacağıq".