"Yuventus" "Barselona"nın futbolçusu Ronald Arauxonun kluba keçidi üçün çalışır. 

Offsideplus.az xəbər verir ki, bu barədə məşhur insayder Fabritsio Romano məlumat yayıb. Turin təmsilçisi gələn həftə Kataloniya klubu rəhbərliyi ilə görüşlər keçirəcək. "Qoca Sinyora" 25 yaşlı müdafiəçini birbaşa transfer və ya transfer şərti ilə icarə əsasında heyətinə cəlb etməyi planlaşdırır.

Bazar günü — 12 dekabrda keçiriləcək İspaniya Super Kuboku finalından öncə transferlə bağlı bir irəliləyiş olmayacaq.