"Barselona"nın baş məşqçisi Hans-Diter Flik Çempionlar Liqasında "Srvena Zvezda" üzərində əldə edilən səfər qələbəsini dəyərləndirib.

Offsideplus.az xəbər verir ki, bu barədə "Marca" məlumat yayıb. Təcrübəli mütəxəssis bunları söyləyib:

"Qazandığımız üç xal bizim üçün əhəmiyyətli idi. Bu yarışda səfərdə qazanılan qələbə asan hesab edilməli deyil. Mən çox şadam. Etdiyimiz işi yüksək qiymətləndirirəm".

Qeyd edək ki, Kataloniya təmsilçisi yarışın Liqa mərhələsinin 4-cü turu çərçivəsində Serbiya nəhəngi üzərində 5:2 hesablı qələbə qazanıb.