Superliqanın yeni klubu "Adana Demirspor" bu yay etdiyi transferlərlə adından söz etdirməyi bacarıb.

Offsideplus.az xəbər verir ki, Yunes Belhanda, Mario Balotellinin keçidindən sonra Türkiyə təmsilçisi daha bir nəhəng transferə hazırlaşır. "Adana Demirspor" "Arsenal"la müqaviləsinin müddəti başa çatan David Luis üçün hərəkətə keçib. Bu barədə italiyalı jurnalist Nikolo Skira məlumat yayıb. 

Klub 34 yaşlı müdafiəçiyə 2 illik müqavilə təklif edib. 

Qeyd edək ki, braziliyalı ulduz iyulun 1-dən etibarən klubsuzdur.