"Erzurumspor"da oynayan İbrahim Şehiç cari mövsüm Türkiyə birinci liqasında ən az qol buraxan qapıçı olub.

Offsideplus.az "NTVspor"a istinadən xəbər verir ki, bosniyalı qolkiper birinci liqada bütün 34 matçda 90 dəqiqə meydanda olub və cəmi 26 qol buraxıb. Bununla da, o, komandasının Türkiyə Superliqasına vəsiqə qazanmasında böyük rol oynayıb.

Qeyd edək ki, 1-ci liqanı 62 xalla 2-ci pillədə tamamlayan "Erzurumspor" elitaya yüksəlib.

Xatırladaq ki, Şehiç 2013-18-ci illərdə “Qarabağ”da oynayıb.