Sonuncu dəfə icarə əsasında "Tottenhem"də çıxış etmiş Jedson Fernandeş "Qalatasaray"a keçir.

Offsideplus.az klubun rəsmi "Tvitter" hesabına istinadən xəbər verir ki, 22 yaşlı yarımmüdafiəçi sabah İstanbula gələcək. Fernandeşin aid olduğu "Benfika" klubu ilə "Cim-Bom" arasında danışıqlar başlanılıb. 

Qeyd edək ki, 2020-ci ilin yanvarında "Tottenhem"ə icarəyə verilən portuqaliyalı heyətdə özünə yer tapmaqda çətinlik çəkib. Jedson Fernandeş 2018-19-cu ildə çıxdığı 44 oyunda sərgilədiyi performansla Avropa nəhənglərinin diqqətini çəkmişdi.