“Döyüş çox rahat keçdi”.

Bu sözləri Offsideplus.az saytına açıqlamasında Azərbaycanın MMA döyüşçüsü Məhəmmədəli Nuruşov deyib.

O, “OCTAGON 84” turniri çərçivəsində Özbəkistanın fenomen döyüşçüsü Şahzod Uzoqov üzərində qazandığı qələbə barədə danışıb:

“Mənə lağ edənlərdən Allah razı olsun. Onlar olmasaydı, bəlkə də döyüşə bu qədər motivasiyalı çıxmazdım. Şükürlər olsun ki, qələbə qazandım. Növbəti hədəfim qarşıdakı döyüşdə də qalib gələrək bayrağımızı bir daha ucaltmaqdır. Azərbaycan xalqını sevirəm”.

Qeyd edək ki, Şahzod Uzoqovun döyüşdən öncə Məhəmmədəli Nuruşovu qışqıraraq qorxutmağa çalışmasını əks etdirən görüntülər sosial şəbəkələrdə viral olmuşdu.