“Araz-Naxçıvan” bir mövsümdə əldə etdiyi qələbələr sayında klub tarixindəki rekordunu yenidən təkrarlayıb.

Offsideplus.az xəbər verir ki, bu barədə Peşəkar Futbol Liqasının rəsmi saytı məlumat yayıb.

Elmar Baxşıyevin baş məşqçisi olduğu komanda cari çempionatda 9-cu dəfə qalibiyyət sevinci yaşayıb.

Nəqşicahan təmsilçisi Misli Premyer Liqasının XIII turunda “Sumqayıt”ı bir qolla məğlub edib.

“Araz-Naxçıvan” bunadək mövsüm ərzində ən çox qələbəni ötən çempionat əldə edib. Komanda 2023/24 mövsümünün 36 görüşündə 9 dəfə üç xala sevinib. Bu dəfə Baxşıyevin yetirmələri eyni sayda qələbəni 13 matçda qazanıb. Növbəti qələbə yeni rekordla əlamətdar olacaq.