Futbol dünyasında təkcə klub səviyyəsində deyil, milli komandalar miqyasında da böyük büdcələr diqqət çəkir.
Offsideplus.az xəbər verir ki, son məlumatlara görə, milli komandaların sükanı arxasında əyləşən baş məşqçilər arasında ən yüksək məvacibi italyan mütəxəssis Karlo Ançelotti alır.
Keçmişdə "Real Madrid" və "Milan" kimi nəhəng klublarda qazandığı uğurlarla adından söz etdirən Ançelotti Braziliya millisi ilə mövsümlük 10 milyon avro dəyərində müqavilə imzalayaraq siyahının zirvəsində qərarlaşıb.
Siyahıda Avropa nəhənglərinin üstünlüyü hiss olunur. Xüsusilə "Bavariya" və "Çelsi" kimi klublardakı uğurlarından sonra milli komandalara gətirilən Yulian Naqelsman və Tomas Tuxel ilk üçlüyü tamamlayırlar.
Dünyanın ən çox maaş alan 10 milli məşqçisi:
- Braziliya: Karlo Ançelotti – 10.000.000 €
- Almaniya: Yulian Naqelsman – 7.000.000 €
- İngiltərə: Tomas Tuxel – 5.800.000 €
- Portuqaliya: Roberto Martines – 4.000.000 €
- Fransa: Didye Deşam – 3.800.000 €
- Niderland: Ronald Kuman – 3.000.000 €
- Uruqvay: Marselo Bielsa – 3.000.000 €
- Türkiyə: Vinçentso Montella – 2.500.000 €
- Argentina: Lionel Skaloni – 2.300.000 €
- İspaniya: Luis de la Fuente – 1.250.000 €
