La Liqa prezidenti Xavyer Tebas "Real Madrid" klubunun son dövrlərdəki hüquqi və strateji addımlarını sərt şəkildə tənqid edib.
Offsideplus.az xəbər verir ki, o, "Kral klubu"nun həm "Neqreyra işi" ilə bağlı mövqeyini, həm də İspaniya futboluna verdiyi zərərləri açıq şəkildə dilə gətirib.
Xavyer Tebasın səsləndirdiyi əsas bəyanatlar və ittihamlar bunlardır:
- "Neqreyra işi" və prosesin uzadılması: Tebas "Real Madrid"in "Barselona"ya qarşı hücumlarını "qəbuledilməz" adlandırıb. Onun sözlərinə görə, Madrid təmsilçisi məsələni uzadır və saqqız kimi çeynəyir: "Barselona" lazım gələrsə, məsuliyyət daşıyacaq, lakin hazırda heç kimdə günah axtarıla bilməz. Çünki hüquqi prosesi uzadan "Barselona" deyil, "Real Madrid"dir.
- Mançester Siti nümunəsi: La Liqa rəhbəri vurğulayıb ki, "Barselona"nın işinin "Mançester Siti"nin məsələsi ilə heç bir əlaqəsi yoxdur və bu kimi xarici hallar buradakı ədalət sisteminə təsir göstərməməlidir. Qərar İspaniyada verilməlidir.
- TV Hüquqları və La Liqaya zərbə: Tebas "Real Madrid"in liqanın bütün təşəbbüslərinə qarşı çıxdığını və klubun televiziya hüquqları məsələsində İspaniya futboluna nəhəng ziyan vurduğunu bildirib. Bu zərər təkcə La Liqaya deyil, ölkənin bütün klublarına təsir edir.
- Superliqa hədəfi: La Liqa prezidentinin fikrincə, "Real Madrid"in əsas məqsədi Superliqa kimi alternativ yarışları təşviq etmək üçün La Liqanı zəiflətməkdir.
