Növbəti mövsüm I Liqada çıxış edəcək "Baku Sportinq" yeni "futbol ili"ndə hazırlaşır.

Düzdür, hələ ki, komanda heyətinə 4 futbolçu cəlb edib. Kollektivin baş məşqçisi Elman Sultanov Offsideplus.az-a açıqlamasında hazırlıqlardan bəhs etdi:

"Bu il I Liqada debüt edəcəyik. Güclü rəqiblərin olduğunu bilirik. Hədəfimiz maksimun irəliləməkdir. ⁠Planlar çoxdur. Klubun öz bazası, stadionu yaradılır. Bu işlər həllini tapandan sonra, infrastruktur baxımından nümunəvi komanda olacağıq".

Mütəxəssis yeni futbolçuların transfer edilmə ehtimalından da danışıb:

"Heyətə təzə oyunçular qoşulub. Hətta onların içərisində yığmamızın şərəfini qoruyan Nazim Həsənzadə də (U-21) var. Təbii ki, heyəti komplekləşdirmək çalışmalarımız davam edir. Bəzi legioner futbolçularla da maraqlanırıq. Şərtlər uyğun olarsa, onları da heyətimizə cəlb edəcəyik".