Dünya ulduzu Neymar Braziliya çempionatının açılış turunu buraxıb.

Offsideplus.az xəbər verir ki, "Santos"un hücumçusu "Vasko da Qama" ilə səfər matçında iştirak etməyib. Buna futbolçunun zədəsi səbəb olub.

"Santos" 1:2 hesabı ilə uduzub.

Qeyd edək ki, Neymar bu ilin yanvarında Səudiyyə Ərəbistanının "Əl-Hilal" klubundan "Santos"a qayıdıb. O, qısa müddət ərzində 7 oyuna 3 qol vurub. Lakin martın əvvəlində zədələnən 33 yaşlı oyunçu "Santos"la yanaşı, Braziliya yığmasının da qarşılaşmalarında forma geyinə bilməyib.