"Qəbələ" klubu Misli Premyer Liqasının 31-ci turunda səfərdə "Sumqayıt"ı 3:2 hesabı ilə məğlub edib.

Offsideplus.az xəbər verir ki, matçdan sonra keçirilən mətbuat konfransında "qırmızı-qaralar"ın baş məşqçisi Elmar Baxşıyev jurnalistlərin suallarını cavablandırıb:

- Bilirdik ki, bizi çətin, ağır səfər gözləyir. "Sumqayıt" yaxşı komandadır. Hər iki komanda layiqli mübarizə apardı. Uda da bilərdik, uduza da. Şanslı tərəf biz olduq. Yolumuza davam edirik. Futbolçularıma təşəkkür edirəm, xatarker göstərdilər.

- İkinci hissədə komanda sanki oyundan qopmuşdu. Bunun səbəbi nə idi?

- Oyunu hissələrə bölməzdim. Biz qopmamışdıq. Sadəcə "Sumqayıt" çox yaxşı idi. Rəqib üstümüzə gəlirdi, təzyiq göstərirdi. Oyunun bir hissəsindən onlar bizdən üstün idilər. 0:2-dən sonra geridönüş etmək çox ağırdır. Sevinirəm ki, komandamda ruhu sağlam insanlar var.

- İlk sayılmayan qolunuzdan sonra çox aqressiv reaksiya verdiniz. Bu, nə ilə bağlı idi?

- Mənim aqressiyamı futbolçularım normal qəbul edirlər. Etdiyim jestin onlara heç bir təsiri olmur.