İngiltərə millisinin və "Liverpul"un sabiq kapitanı Stiven Cerard "Çelsi"nin müdafiə xəttini gücləndirməli olduğunu bildirib.

Offsideplus.az xəbər verir ki, Cerard London klubunun uğur qazanması üçün dünya səviyyəli mərkəz və sol cinah müdafiəçilərinə ehtiyacı olduğunu deyib. "Çelsi"nin hazırda yaxşı müdafiəçiləri olduğunu qeyd edən mütəxəssis, xüsusilə Risin Ceymsin tam sağlam olduğu vaxt ölkədə ən yaxşı sağ müdafiəçi olduğunu vurğulayıb. Levi Kolvillə də yüksək qiymət verən Cerard onun komandaya balans gətirdiyini və solaxay olmasının üstünlük olduğunu bildirib.

Cerard "Çelsi"nin hazırda əla qapıçısı olduğunu, Emiliano Martinesin yüksək səviyyədə çıxış etdiyini və dünya çempionu olduğunu xatırladıb. Lakin o, "Çelsi"nin "Arsenal", "Mançester Siti" və "Liverpul" kimi klublarla rəqabət aparması və Çempionlar Liqasında iddialı olması üçün müdafiə xəttini gücləndirməsinin vacibliyini vurğulayıb.

Cerard "Çelsi"nin onun oynadığı dövrdəki müdafiə xəttini xatırladıb: "Eşli Koul, Con Terri, Rikardu Karvalyu, Branislav İvanoviç – bu dördlük həm Premyer Liqada, həm də Çempionlar Liqasında ən yüksək səviyyədə rəqabət aparırdı. O vaxtkı müdafiə xətti komandanın əsas dayağı idi. İndi isə "Çelsi"nin müdafiəçiləri hələ sübut etməlidirlər ki, bu səviyyəyə yüksələ bilərlər. Komandanın yeni mərhələyə keçməsi üçün məhz belə oyunçular lazımdır".