Fransa millisinin və "Real Madrid"in hücumçusu Kilian Mbappe Vinisius Juniorla meydanda uyğunluğu barədə yayılan fikirlərə münasibət bildirib.

Offsideplus.az xəbər verir ki, Mbappe bu barədə bunları deyib:

"Bu, "Real Madrid" haqqında deyilən milyonlarla fikirdən sadəcə biridir. Çünki bu, dünyanın ən məşhur və ən böyük klubudur. Başqalarının nə dediyini tam nəzarət edə bilmirəm. Bizim ümumi məqsədimiz "Real Madrid"in oyunlarda və turnirlərdə qalib gəlməsidir. Biz yalnız özümüzün nəzarət edə bildiyimiz şeylərə fokuslanırıq, insanların fikirlərinə isə təsir edə bilmirik. Amma deyilənləri dinləyə bilərik və daim irəli getməyə, daha yaxşı olmağa çalışırıq".

Mbappe həmçinin Joze Mourinyo ilə işləməyin, həm özünün, həm də Vinisius və Bellingemin ən yaxşı versiyasını göstərmək baxımından necə olduğunu da şərh edib:

"Mən daha uzunmüddətli baxışa sahibəm və hər oyuna başlayan on bir oyunçunun ən yaxşı versiyasını necə ortaya qoymaq barədə düşünürəm. Burada hansısa oyunçunu kollektivdən kənarlaşdırmaqdan söhbət getmir. Bilirəm ki, insanlara və jurnalistlərə bu cür mövzular maraqlıdır və bu, tamamilə normaldır, çünki həmişə satılır. Amma mən həmişə komandaya bütöv yanaşmağın tərəfdarıyam. Biz daha yaxşı ola bilərik və mövsümdə bizi gözləyən, titul qazanmağımıza təsir edəcək anlara hazır olmalıyıq".