Azərbaycanlı futbolçu Can Hacıyev "Qalatasaray"la müqavilə imzalayıb.
Offsideplus.az xəbər verir ki, 17 yaşlı futbolçu növbəti iki mövsüm ərzində İstanbul təmsilçisinin gənclərdən ibarət (U-19) komandasında çıxış edəcək.
Hacıyev ötən mövsümü İsveçrənin "Sion" klubunun gənclər komandasında keçirib.
Boyu 1,87 metr olan gənc futbolçu həm sağ, həm də mərkəz müdafiəçisi mövqeyində oynamaq qabiliyyətinə malikdir.
Türkiyə və Qazaxıstan futbol federasiyaları onu yığma komandalarına cəlb etmək istəyirlər.
