"Çiçarito" ləqəbli meksikalı futbolçu Xavyer Hernandezlə bağlı maraqlı bir iddia ortaya atılıb. Keçmiş sevgilisinin, məşhur futbolçuya qol vurmaması üçün cadu etdirdiyi iddia edilib.

Offsideplus.az xəbər verir ki, "Uest Xam" forması geyinən Xavyer Hernandez pis mövsüm keçirir. Qol sıxıntısı yaşayan meksikalı futbolçu qol vurmaq şansını yaxlaya bilməyib.

Meksikanın "Televisa" kanalında yayımlanan "Xoy" (Bu Gün) adlı proqramda Hernandezin keçmiş sevgilisi İspan jurnalist Lusiya Villalonun ulduz futbolçuya cadu etdirdiyi və futbolçunun bu səbəblə qol vura bilmədiyi iddia edilib. Proqrama qatılan Kuba əsilli meksikalı falçı Mhoni Videntenin iddiası ölkədə böyük sensasiyaya səbəbolub.

Xaviyerin Lusiya Villalona evlənmək sözü verdiyi, ancaq bu sözünü yerinə yetirmədiyi maqazin xəbərlərində yer almışdı. Məşhur astroloq, futbolçuya müraciət edərək "Yerinə yetirə bilməyəcəyiniz sözlər verməyin. Sevgilinizə evlənmək üçün söz verirsinizsə tutun" deyərkən Lusiya Villalonun bu səbəbdən meksikalı futbolçuya cadu etdirmiş ola biləcəyi iddiasını irəli sürüb.

Xatırladaq ki, bu yaxınlarda Xavyer Hernandezlə Lusiya Villalon toy planları qurarkən münasibətləri gözlənilmədən bitmişdi. (open.az)