PSJ-nin futbolçusu Tiaqo Silvanın Parisdəki evi soyulub.
Offsideplus.az-ın “L'Equipe” nəşrinə istinadən yaydığı xəbərə görə, hadisə Fransa Liqasının 17-ci turunda dünən “Nant”la keçirilən oyun zamanı baş verib.
Mühafizəçilərin evi qorumasına baxmayaraq, bacadan girən oğrular 34 yaşlı müdafiəçinin 600 min avro dəyərində daş-qaşlarını oğurlayıblar.
Bundan əlavə, brazilyalı futbolçunun pasportunun olduğu çantanı da götürən cinayətkarlar ona ümumilikdə 1 milyon avro ziyan vurublar.
Qeyd edək ki, bu yaxınlarda PSJ klubunun digər futbolçusu Çupo-Motinqin də evinə oğru girib.
