NBA-də baş tutan son oyunlarda maraqlı nəticələr qeydə alınıb.

Offsideplus.az xəbər verir ki, Los Angeles Clippers Orlando Magic üzərində 96-87 hesabı ilə qələbə qazanıb. Charlotte Hornets gərgin keçən oyunda Utah Jazzı 110-106 məğlub edib.

Miami Heat doğma meydanda Washington Wizardsı 120-94 hesabı ilə darmadağın edərək inamlı qələbə əldə edib. Indiana Pacers isə son saniyələrdə Sacramento Kingsi 111-109 hesabı ilə məğlub etməyi bacarıb.

Boston Celtics Memphis Grizzlies üzərində 117-103 hesablı qələbə qazanıb. Gecənin ən məhsuldar komandası isə 145 xal toplayan Oklahoma City Thunder olub. Onlar Chicago Bullsu 145-117 hesabı ilə məğlub ediblər.

Digər qarşılaşmalarda Brooklyn Nets Dallas Mavericksi 113-109, Los Angeles Lakers isə Houston Rocketsı 104-98 hesabı ilə məğlub edib.