Tayriz Halibertonun uzun müddətli zədədən sonra meydana qayıdışı "İndiana Peysers" azarkeşləri üçün böyük ümid yaradıb. Ulduz oyunçu ötən mövsümü axil vətəri qopduğu üçün tamamilə buraxmışdı, lakin komanda daxilində onun indiyədək olmadığı qədər yaxşı formada olduğu bildirilir.

Offsideplus.az xəbər verir ki, "İndiana Peysers" heyətinə Halibertonun qayıdışı ilə yanaşı, İvitsa Zubaç və Kelli Ubre kimi yeni transferlər də əlavə olunub. Komandanın əsas problemi ötən mövsüm zədələr idi – Endryu Nembhard, Ti Cey Makkonell, Obi Toppin və Aaron Nesmit də ciddi zədələrlə üzləşmişdi. İndi isə bütün əsas oyunçular sıraya dönüb və motivasiyalıdır. Mütəxəssislər "İndiana Peysers"i çempionluq uğrunda əsas sürpriz namizədlərdən biri hesab edir.