Noyabrın 7-i saat 21:45-də UEFA Avropa Liqasının Liqa mərhələsində "Qarabağ" səfərdə "Bodo-Qlimt"lə qarşılaşacaq. 

Offsideplus.az xəbər verir ki, Ağdam təmsilçisi görüşlə bağlı azarkeşlərinə müraciət ünvanlayıb: 

"Matçı “Aspmyra" stadionunda izləmək və komandamızı dəstəkləmək istəyən azarkeşlər üçün ayrılmış vauçerlər bu gün 14:00-dan etibarən iTicket.az-da onlayn şəkildə satışa çıxarılacaq. Fanatlarımız əldə etdikləri vauçerləri oyun günü saat 14:00-dan 16:00-a kimi "Scandic Havet" (Address: Tollbugata 5, 8006 Bode, Norge) otelinin məlumat şöbəsinə yaxınlaşaraq biletə dəyişməlidir. Biletlərin qiyməti 55 AZN-dir.

Vauçerləri əldə edən şəxslər vauçerləri biletə dəyişərkən xahiş olunur ki, şəxsiyyətinizi təsdiq edən sənəd üzərinizdə olsun!"