Avropa Liqasının əsas mərhələsinin 3-cü turunda "Qarabağ" "Ayaks"la qarşılaşdı.

Offsideplus.az xəbər verir ki, görüş qonaqların 3:0 hesablı qələbəsi ilə başa çatdı.

Oyunda sonra meydan sahiblərinin çalışdırıcısı Qurban Qurbanov mətbuat konfransında iştirak etdi. 

Mütəxəssis məğlubiyyət haqda bunları söylədi:

"Əfsuslar olsun ki, məğlub olduq. Oyuna pis hazırlaşmamışdıq. İlk dəqiqələrdən çıxışımızı siz də gördünüz. Matça dinamik başlamışdıq. Dünən də demişdik ki, bu görüşə hazırlaşmağa vaxtımız var idi. Əfsuslar olsun ki, uduzduq. Həm də oyunçularımız qırmızı vərəqə ilə cəzalandılar. Hər halda oyunçularımız cəsarətli təsir bağışladılar. Bu səbəbdən də onların çıxışından razı qaldım. Əsas hədəfimiz böyüməkdir. Amma belə görüşlərdə bəsit penaltilər, vərəqələr alırıqsa, demək ki, nəsə çatışmır. Azarkeşlərə təşəkkür edirəm. Belə oyunu, cəsarəti saxlasaq, qarşıdakı oyunlarda nəticə əldə edəcəyik. Mən buna əminəm. Bir daha deyirəm ki, "Ayaks" kimi komanda ilə qarşılaşmaq bizim üçün vacib idi. Hər xırda detallardan istifadə edən komanda ilə oynamaq bizim üçün ayrıca təcrübədir".