Argentina millisinin və "Mançester Yunayted"in futbolçusu Serxio Romero bahalı evini satışa çıxarıb.

Offsideplus.az xəbər verir ki, 3,5 milyon funt-sterlinq (4 milyon avro) dəyərində olan evi aylıq 22 min funt-sterlinqə kirayələmək də mümkündür. Malikanədə 6 yataq otağı, 5 qonaq otağı, stolüstü tennis otağı daxil olmaqla, oyun otaqları və bahalı maşınları saxlayacaq geniş qaraj var.

Ole-Qunnar Sulşerin rəhbərliyi altında komandada forma tapa bilməyən Serxionun yayda "qırmızı şeytanlar"ı tərk edəcəyi gözlənilir. 

Qeyd edək ki, Serxio Romero 2015-ci ildə "Sampdoriya"dan "Mançester Yunayted"ə transfer edilib.