“Liverpul” yay transfer pəncərəsində müdafiə xəttini gücləndirmək üçün Alessandro Bastonini əsas hədəf kimi görür.

Offsideplus.az xəbər verir ki, klubun idman departamenti italiyalı müdafiəçini mərkəz müdafiəçi mövqeyi üçün ilkin siyahının ən üst sırasına yerləşdirib və yayda yeni müdafiəçi transferində aktiv olmağı planlaşdırır.

Hazırkı vəziyyətə görə “İnter” Bastonini satmaq niyyətində deyil və onu klub layihəsinin əsas sütunlarından biri hesab edir. Lakin ciddi maliyyə təklifi və futbolçunun ayrılmaq istəyi vəziyyəti dəyişə və mümkün transferə yol aça bilər.

Digər tərəfdən, “Barselona” da Bastonini yaxından izləyir. Katalon klubunun idman direktoru Deko futbolçunun profilinə böyük maraq göstərir. Hazırda tərəflər arasında konkret danışıqlar yoxdur, lakin bu transfer yay bazarında diqqətlə izləniləcək potensial böyük sövdələşmələrdən biri ola bilər.