"Sabah"ın 250 günlük məğlubiyyətsizlik seriyasına "Kəpəz" son qoyub.

Offsideplus.az xəbər verir ki, Misli Premyer Liqasının XXXI turunda doğma meydanda 0:1 hesabı ilə uduzan "bayquşlar" cari mövsümdə ikinci yenilgisini alıb.

Valdas Dambrauskasın komandası sonuncu dəfə 2025-ci il avqustun 31-də "İmişli"yə uduzmuşdu. Bu müddətdə 28 oyunluq (22 qələbə, 6 heç-heçə) möhtəşəm seriya yaxalayan paytaxt təmsilçisi, turnir tarixinə 3-cü ən uzun seriyanın sahibi kimi düşüb. "Sabah" bu nəticə ilə "Kəpəz"in rekorduna şərik olub, ondan öndə isə yalnız "Qarabağ" yer alır.

Premyer Liqa tarixinin ən uzun 5 seriyası:

1. “Qarabağ” – 49 (30.10.2021-09.04.2023)

2. “Qarabağ” – 31 (31.10.2018-10.11.2019)

3-4. “Kəpəz” – 28 (14.09.1997-19.09.1998)

“Sabah” – 28 (14.09.2025-03.05.2026)

5. “Turan” – 27 (12.09.1992-14.07.1993)

Qeyd edək ki, mötərizədə məğlubiyyətsiz seriyanın ilk və son oyununun tarixi göstərilib.