"Barselona" klubu növbəti mövsüm üçün transfer strategiyasını müəyyənləşdirib.
Offsideplus.az xəbər verir ki, Kataloniya təmsilçisi heyətini gücləndirmək üçün iki əsas mövqeyə böyük məbləğdə vəsait ayırıb.
İdman direktoru Dekonun rəhbərliyi ilə hazırlanan plana əsasən, klubun bu yay üçün müəyyən etdiyi xərcləmə limitləri aşağıdakı kimidir:
"Barselona" hücum xəttini ulduz futbolçu ilə gücləndirmək niyyətindədir.
- Klub yeni bir "9 nömrə" transferi üçün 100 milyon avro ayırıb. Əsas namizədlər arasında hazırda "Atletiko Madrid"də çıxış edən Xulian Alvaresin adı ön plana çıxır.
Müdafiənin mərkəzinə sol ayaqlı və texnikası yüksək olan bir oyunçu axtaran "Barselona"nın hədəfi Alessandro Bastonidir.
- Klub "İnter"in italyan müdafiəçisi üçün 60 milyon avro ödəməyə hazırdır.
Bastoninin "Barselona"da oynamaq istədiyi və artıq şəxsi şərtlərlə bağlı razılığın əldə olunduğu bildirilir.
"Barselona"nın bu transferləri həyata keçirmək üçün bir neçə oyunçu ilə yollarını ayıracağı və ya bəzi gənc istedadları mübadilə yolu ilə bu sövdələşmələrə daxil edəcəyi gözlənilir. Baş məşqçi Hansi Flikin də bu iki transferi komandanın gələcək onurğası üçün vacib hesab etdiyi vurğulanır.
