​İdman dünyasının "Oskarı" hesab edilən nüfuzlu "Laureus Dünya İdman Mükafatları" mərasimində futbol aləminin gənc ulduzu Lamin Yamal zirvəyə yüksəlib.

Offsideplus.az xəbər verir ki, "Barselona" və İspaniya millisinin istedadlı hücumçusu "İlin Ən Yaxşı Gənc İdmançısı" nominasiyasında qalib gələrək növbəti nüfuzlu mükafatını kolleksiyasına əlavə edib.

​Cəmi 18 yaşı olmasına baxmayaraq, həm klub, həm də milli komanda səviyyəsində göstərdiyi möhtəşəm oyun Yamalı bu mükafatın əsas namizədinə çevirmişdi. O, rəqiblərini geridə qoyaraq dünyanın ən perspektivli gənc idmançısı ünvanına sahib çıxıb.

​Lamine Yamalın qazandığı bu uğur onun karyerasındakı sürətli inkişafın daha bir təsdiqi oldu. 

​Qeyd: "Laureus" mükafatları hər il dünyanın ən uğurlu idmançılarına təqdim olunur və qaliblər əfsanəvi idmançılardan ibarət münsiflər heyəti tərəfindən seçilir. Yamalın bu yaşda belə bir zirvəyə çatması dünya idman mətbuatında geniş əks-sada doğurub.